BASADI KA GO DINEO TŠA MEETSE 2005
Ka go gopola tema yeo e kgathilwego ke basadi gape yeo ba sa tšwelago pele ka go e kgatha ka go karolo ya meetse mo Afrika Borwa, Kgoro ya Merero ya Meetse le Kagodikgwa, ka thekgo ya Khomišene ya Nyakišišo ya Meetse le Sehlongwa sa Meetse sa Afrika Borwa di bile benggae ba Dineo tša Basadi ka go Meetse.
Se ke go ikemišetša go hlompha le go tumiša kabelo ya basadi ka go karolo ya meetse le go bontšha:
Go kgatha tema ga basadi ba profešene le bao ba theilwego godimo ga setšhaba ka go taolo ya meetse; le
Tema ye bohlokwa yeo e kgathwago ke basadi go ya ka meetse go phedišo ya bodiidi, tšwetšopele le tshwarelelo ya thuto ka go mafelo a setoropo le a selegae.
Ngwaga wo mongwe le wo mongwe dineo di elelwa basadi bao ba kgathilego tema ya boetapele ka go dikarolo tše di latelago:
Nyakišišo ya maemo ao a phagamego (go mošišinywa wa mengwaga ye 35 goba go feta)
Nyakišišo ya maemo a fase (go mošišinywa wa mengwaga ya ka fase ga 35)
Tšwetšopele ya Setšhaba
Thuto le Temošo; le
Taolo le go dira Pholisi.
Bašišinywa ba dikarolo tše e ka ba motho wa go ikemela ka boyena goba sehlopha. Dineo di tla fiwa basadi ba boemo, basadi bao ba šomilego gabotse ka go karolo ya bona, gape bao ba filego neo yeo e itšego ya go bonagala ka go karolo ya meetse ya Afrika Borwa.
Se se swanetšwe se dirišwe bjalo ka tlhahlo ya ditekanyo tša tšhišinyo ya mosadi/basadi bao ba tšeago karolo ka go diprotšeke tšeo di sepelago ka molao le tšeo di sa sepelego ka molao tša go amana le meetse.
Rekhotho yeo e hlatsetšwego ya phethagatšo le go kgatha tema;
Mathomo le boetapele;
Taolo ya protšeke le tlhamo;
Neelo go diphetogo tša nnete tša maikutlo le boitshwaro;
Neelo go tšwetšopele le tlhamo ya diprotšeke tša phedišo;
Neelo ya go kgathatema go bohle/setšhaba/mokgathatema/motšeakarolo;
Phegelelo le kgotlelelo;
Neelo go ditshepedišo tša go tšea sephetho;
Maikarabelo; le
Bokgoni bja hlohleletšo.
NAKO YEO E BEETŠWEGO GO FETŠA TIRO
Diforomo tšeo di tladitšwego tša tšhišinyo ya maina di swanetše di fihle ka 15 Nofemere 2004.
THOMELO
Romela ditsenelo tša gago go:
Komiti ya Basadi ka go Dineo tša Meetse
Kgoro ya Merero ya Meetse le Kagodikgwa
Moago wa Sedibeng, Phapoši 933
